ရခိုင်တွင် စစ်ကျန်လက်နက်ကျည်စ ​ပေါက်ကွဲမှုကြောင့် အသက် ၁၀ နှစ်အရွယ် က​လေးငယ်တစ်ဦး​ သေဆုံး

ရခိုင်တွင် စစ်ကျန်လက်နက်ကျည်စ ​ပေါက်ကွဲမှုကြောင့် အသက် ၁၀ နှစ်အရွယ် က​လေးငယ်တစ်ဦး​  သေဆုံး

****************

​မိခိုင်

​အောက်တိုဘာ ၉၊ ၂၀၂၃

ရခိုင်ပြည်နယ်၊ ပုဏ္ဏားကျွန်းမြို့နယ်၊ ယိုးတရုတ် မီးရထားဘူတာစစ်​ရှောင်စခန်းတွင် ယမန်​​နေ့ ​အောက်တိုဘာလ၈ရက်​​​  နံနက် ၁၁နာရီ၌  ​စစ်ကျန်လက်နက်စတစ်ခု​​ပေါက်ကွဲပြီး က​လေးငယ် တစ်ဦး​သေဆုံးကာ ၂ဦး ဒဏ်ရာ ရရှိခဲ့သည်ဟု သိရသည်။

လက်နက်ကြီး ကျည်စ တစ်ခုကို ​ဆော့ကစားရန် မီးရထားဘူတာအနီးမှ စစ်​ဘေး​ရှောင်စခန်းအတွင်းသို့ ယူ​ဆောင်လာစဥ် ​ပေါက်ကွဲပြီး ​​သေဆုံးထိခိုက်သွားခြင်းဖြစ်သည်ဟု​  ရထားဘူတာ စခန်း​​​ကော်မတီဝင် ဦးဝင်း​မောင်က ​ပြောသည်။

” ​သေသွားတဲ့​ က​လေးက ယူလာတယ်လို့ ​ပြောတယ်။ အရင်ကရထားလမ်း​ဘေးက ​မီးတိုင်​တွေ ပုံထားတာရှိတယ်။အခုက မီးတိုင်​တွေ လုပ်ဖို့ ပြန်ယူသွား​တော့ အဲဒီ လက်နက်ကြီးစက ​မြေထဲက​နေ ​ပေါ်လာတာ ဖြစ်မယ်။ အဲဒီက​နေစခန်းကို ယူလာပြီး ​ကျောက်မှာ ထုလိုက်တဲ့ ​အတွက် ပေါက်သွားတယ်။၃ ​ယောက်မှာ တစ်​ယောက်က ​သေပြီး ​နောက်တစ်​ယောက်က ဒဏ်ရာ ပြင်းတယ်။ ကျန်တ​ယောက်က တော့ ထိသွား​ပေမယ့် မပြင်းဘူး​ပေါ့” ဟု ၎င်းကဆိုသည်။

​အဆိုပါဖြစ်စဉ်တွင် အသက် ၁၀နှစ်အရွယ်  ​မောင်နေတိုးဟိန်း သေဆုံးခဲ့သည်။ အခြားထိခိုက်မှုများအနေဖြင့်အသက် ၈ နှစ်အရွယ် ​မောင်မျိုး​ဇော်လင်းမှာ ​ယောကျာ်းလိင်အင်္ဂါအနည်းငယ်ပြတ်ထွက်ပြီး အသက် ၆ နှစ်အရွယ်မောင်မျိုးချစ်ဦးတွင် ​ပေါင်၊ ပါး နှင့် ၀မ်းဗိုက်တို့တွင် ကျည်စများ ထိမှန်ခြင်းများရှိခဲ့သည်။

အခင်းဖြစ်ရာတွင်ပင် သေဆုံးခဲ့ရသည့် ​မောင်​​နေတိုးဟိန်းအား ယင်း​နေ့တွင်ပင် သဂြိုလ်လိုက်​သည်ဟု ဒေသခံသတင်းရင်းမြစ်ကဆိုသည်။

မောင်မျိုး​ဇော်လင်းမှာ ဒဏ်ရာပြင်းထန်သည့်အတွက် စစ်​တွေ​ဆေးရုံကြီးသို့ ပို့ဆောင်ကုသနေရပြီး ​မောင်မျိုးချစ်ဦးအား ယိုးတရုတ်​ဆေးရုံးတွင် ​ဆေးကုသမူ ခံယူ​နေ​ကြောင်း သိရသည်။

​

“ကျ​​​နော်တို့လည်း ​ဆေးစရိတ်များရင် မတတ်နိုင်ဘူး​လေ။ အခုက​တော့ ​ဆေးရုံမှာ ဘယ်​နှစ်ရက်​နေရမယ် ဆိုတာမျိုးလည်းမသိ​သေး​​တော့ အကူညီရရင် ​ကောင်းပါမယ်။ စစ်ရှောင်စခန်းမှာ နေထိုင်ရတာဖြစ်တဲ့အတွက်အလုပ်အကိုင်ကလည်း အတည်တကျမရှိတော့ ငွေကြေးက အခက်အခဲရှိတယ် “ဟု မောင်မျိုးချစ်ဦး ဖခင်ဖြစ်သူဦး​​ဇော်​ချေက ပြောသည်။

ယခုကဲ့သို့ ​ပေါက်ကွဲမှုအ​ပေါ်တွင် စခန်းရှိ စစ်​ရှောင်များအ​နေဖြင့် စိုးရိမ်မှုများ ရှိ​နေ​ကြောင်း ယင်းစခန်းမှ စစ်​ရှောင်တစ်ဦးက ဆိုသည်။

” ဘယ်​​နေရာ​တွေမှာ ကျန်​နေ​​သေး​လေ။ အဲဒီက​လေး​တွေက လက်နက်ကို ဘယ်က ယူလာတာလဲ ဆိုတာမျိုးအတိအကျ မသိ​သေးဘူး။ ​နောက်တစ်ခုက စခန်းဘယ်​နေရာ​တွေမှာ ထပ်ရှိ​သေးလဲ အတိအကျ မသိ​တော့ စိုးရိမ်မှုက များ​နေတယ်။ ” ဟု ၎င်းက ဆိုသည်။

မီးရထားဘူတာ စစ်​ဘေး​ရှောင် စခန်းတွင် စစ်​ဘေး​ရှောင် ဦး​ရေ ၂၀၀ ​ကျော်ခန့် အိမ်​ခြေ ၆၀ ခန့်ရှိ​ကြောင်း သိရသည်။

စစ်​ဘေး​ရှောင်အများစုမှာ ပုဏ္ဏားကျွန်းမြို့နယ်မှဖြစ်ပြီး ချင်းပြည်နယ်၊ ပလက်၀မြို့နယ်နှင့် ​ကျောက်​တော် စစ်​ဘေး​ရှောင်များပါခိုလှုံနေရသည်။

ရခိုင်ပြည်နယ်တွင် စစ်တပ်နှင့် ​  AA တို့ အပစ်အခတ် ရပ်စဲထား​သော်လည်း တိုက်ပွဲ ပြန်လည် ဖြစ်ပွားမည်ကိုစိုးရိမ်သည့်အတွက် ​နေရပ် မပြန်နိုင်သည့် စစ်​ဘေး​ရှောင်ဦး​ရေ ​​ခြောက်​​သောင်း​ကျော်ထိ ကျန်​ရှိ​​နေ​သေးသည်။

ပုံ -PNG Development Youth Organization(PDYO)

**************

အောက်ဖော်ပြပါလင့်များတွင် သတင်းမှန်များ လွတ်လပ်မြန်ဆန်စွာ ဖတ်ရှုနိုင်ပါပြီ။

Telegram – > https://t.me/newstlk/2117

YouTube- > https://youtu.be/SpxIBpTYop8

Website -> https://thanlwinkhet.com/?p=5815